Punjabi Poetry میری سولی بناؤ گے کہ رباب جناب

Mehvish

Super Member
میری سولی بناؤ گے
کہ رباب؟ جناب
کہ میں ایوں ہی کھڑوتا رہاں ساری عمر
کردا رہاں پتیاں تے
موسماں دا حساب کتاب، جناب
کوئی جواب؟

مینوں کیہ پتہ، مینوں کیہ پتہ
میں تاں آپ ہاں تیرے وانگ اک درخت
توں ایوں کر
اج دی اخبار دیکھ
اخبار وچ کجھ نہیں
جھڑے ہوۓ پتے نیں
فیر کوئی کتاب ویکھ
کتاب وچ بیج نیں
تاں فیر سوچ
سوچ وچ ٹُک نیں
دنداں دے نشان نیں
راہیاں دی پیڑ ہے
جاں میریاں نہوندراں
جیہڑیاں میں بچن لئی دھرتی دی ہک وچ کھوبیاں
سوچ، سوچ، ہور سوچ
سوچ وی قید ہے
سوچ وچ خوف ہے
لگدا ہے دھرتی دے نال بجھا ہویا ہاں
جاں فیر ٹُٹ جا
ٹُٹ کے کیہ ہوۓ گا
رُکھ نہیں تاں راکھ سہی
راکھ نہیں تاں ریت سہی
ریت نہیں تاں بھاف سہی
چنگا فیر چُپ کر
میں کدوں بولداں
ایہہ تاں میرے پتے نیں ہوا وچ ڈولدے

سرجیت پاتر​

Continue reading...
 
Top