عزم و استقلال پر دیکھا مقامِ کربلا
مصطفیٰؐ کے دین کا سارا نظام ِکربلا
کس طرح آئے تھے آقاؑ ساتھ بچے بیبیاںؑ
نقش ہے مومن کے دل پر وہ قیامِ کربلا
پھول پر شبنم رہے خوشبو بھی اس کا ساتھ دے
ایک خطبہ سے ملا ہم کو پیامِ کربلا
دین کی تاریخ میں پہلے کبھی یوں نہ ہوا
ہر بلندیوں کو ملا تجھ سے دوامِ کربلا
غیر کو جب چھوڑ کر جو آ گئے حق کی طرف
مل گیا حرؑ کو اسی دن خاص جامِ کربلا
زیست انساں میں مہکتے ہی رہے ہیں ہر گھڑی
یثرب و کعبہ نجف اور احترامِ کربلا
منتہائے فکر میں تحریر کر مقبول آج
ہے دیا کیسے یہ مولاؑ نے پیامِ کربلا
مقبول ذکی مقبول
بھکر پنجاب پاکستان
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
