اٹک میں کانگو وائرس سے بچاؤ کے اقدامات
اٹک(ڈاکٹر شجاع اختر اعوان سے )ضلع بھر میں کانگو وائرس سے بچاو کے لیے ہنگامی بنیادوں پر اقدامات شروع کر دیئے گئے ہیں ان خیالات کا اظہارڈپٹی کمشنر راو عاطف رضا نے انسداد کانگو مہم کے حوالے سے اجلاس کی صدارت کرتے ہوئے کیا،اجلاس میں ایڈیشنل ڈپٹی کمشنر جنرل انیل سعید،اسسٹنٹ کمشنر اٹک شگفتہ جبیں،سی ای او ہیلتھ ڈاکٹر اسد اسماعیل،ایڈیشنل ڈائر یکٹر لائیو سٹاک ڈاکٹر عبدالحمید،ڈی ایچ او ڈاکٹر کاشف حسین اور دیگر متعلقہ افراد بھی موجود تھے،بر یفنگ دیتے ہوئے بتا یا گیا کہ ضلع اٹک میں اب تک دومریضوں کی کانگو وائرس کی وجہ سے اموات واقع ہوئی ہیں جبکہ کا نگو کے تیسرے مریض کاٹیسٹ منفی آیا ہے اور وہ روبصحت ہے۔
ڈپٹی کمشنر نے ہنگامی اقدامات کے احکامات دیتے ہوئے ضلع بھر میں دفعہ144کے تحت مویشی منڈیا ں بند کر نے اور مویشیوں کی بین الاضلاعی اور بین الا صوبائی منتقلی پر24مئی سے30مئی تک پابندی لگانے کا حکم دیا، انہوں نے ضلع بھر میں اینٹی کانگو سپرے،یو نین کو نسل کی سطح سے لے کر ضلعی سطح تک افسران کی کمیٹیاں تشکیل کر نے،متعلقہ افسران کے ذریعے انسد اد کانگو مہم کی کڑی نگرانی اور حفاظتی اقدامات کر نے،عوامی آگاہی مہم،مویشیوں کی صحت اور نقل و حرکت کی کڑی نگرانی کے لیے سر حدی چیک پوسٹوں کے قیام،کیٹل مارکیٹ مینجمنٹ کمیٹی کو تمام جراثیم کش اور دیگر متعلقہ ادویات کی سٹاک کی تفصیلا ت اورعملے کو تمام داخلی اورخارجی راستوں پرمتعین کر نے کے بھی احکا مات جاری کیے ،وہ خود انسداد کانگو مہم کے سلسلے میں تمام سرگرمیوں کی کڑی نگرانی کر یں گے،محکمہ صحت،لائیو سٹاک تمام متعلقہ محکموں کے افسران کو ہدایت کی کہ وہ ڈی سی آفس کو لمحہ بہ لمحہ تمام حالا ت سے با خبر رکھیں
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
