جہان سارے کے آپؑ مولا حسینؑ رہبر سلام تجھ پر

جہان سارے کے آپؑ مولا حسینؑ رہبر سلام تجھ پر
بتولؑ زادہ رسولؐ اکرم کے خونِ اطہر سلام تجھ پر

مقام تیرا مقام تیرا گرا نہ پایا فنا ہوا وہ
بلندیوں پر چمکنے والے حسینؑ اختر سلام تجھ پر

جو حق کی راہ میں ہے سر کٹایا تمام انساں بھلا نہ پائے
ابد تلک اے امامؑ عالی نبیؐ کے گوہر سلام تجھ پر

مقامِ جنت بلند و بالا عطا کرے گا وہ ربِ اکبر
یہ اشک جاری ہیں تیرے دکھ میں حسینؑ دلبر سلام تجھ پر

حسینؑ تیرا یہ ذکرِ اطہر سنائی دے گا فلک زمیں پر
کریں گے حق و صداقتوں کے تمام لشکر سلام تجھ پر

حسینؑ مولا حسینؑ مولا زبان سب پر یہ ایک نعرہ
ملی حیا کو حسین عظمت اے حق کے پیکر سلام تجھ پر

جو خواب دیکھا خلیلؑ نے تھا دیا تھا راہِ خدا میں بیٹا
ملی وہ تعبیر کربلا میں ذکیؔ برابر سلام تجھ پر

مقبول ذکی مقبول