نعتیہ مشاعرہ
رپورٹ : مقبول ذکی مقبول ، بھکر
بزمِ اوجِ ادب کے زیرِ اہتمام نعتیہ نشست کا اہتمام مقبول ذکی مقبول کی رہائش گاہ بستی شمالی وارڈ نمبر 8 محلہ چھینہ والا منکیرہ ( بھکر) میں کیا گیا ۔ نعتیہ نشست کا اہتمام بزمِ اوجِ ادب نے کیا زیرِ صدارت سرائیکی کے نام ور شاعر بزرگ سردار خادم حسین مخفی تھے مہمانِ خصوصی نادر لاشاری ( صدارتی ایوارڈ یافتہ) تھے نعتیہ نشست کا باقاعدہ آغاز تلاوتِ قرآن پاک سے ہوا جس کی سعادت وارث چھینہ نے حاصل کی اور نظامت کے فرائض بھی بخوبی سر انجام دیئے ۔ صدارتی خطاب کے دوران سردار خادم حسین مخفی نے کہا ایسی روحانی و نورانی محفل میں شرکت کر کے بہت خوشی ہوئی ہے اور بزمِ اوجِ ادب ، منکیرہ (بھکر) چیئرمین مقبول ذکی مقبول کی محبت ہی تو ہے جو بہاولپور سے یہاں منکیرہ (بھکر) میں مجھے کھینچ لائی ہے مہمانِ خصوصی روہی سے تشریف لائے ہوئے صدارتی ( ایوارڈ یافتہ) سرائیکی کے معروف بزرگ شاعر نادر لاشاری نے کہا یہ نعتیہ مختصر اور منظور و مقبول نشست ہے جس میں ذکرِ پاک حضرت محمد مصطفیٰ صلی اللّٰہ علیہ وآلہ وسلم کا جہان و دنیا کی محفلوں سے افضل ہے اور اس پر بزمِ اوجِ ادب کے عہدے داران مبارک باد کے مستحق ہیں سردار خادم حسین مخفی نے اپنے نعتیہ کلام سے نعتیہ نشست کو چار چاند لگا دیئے ایک قطعہ ملاحظہ فرمائیں
جے تلک ہووے نہ مخفی دل دے وچ حبِ رسول ﷺ
او تلک تھیندی نئیں کئیں دی عبادت کوئی قبول
ہِن اے ہے پنجتن ( ع) فقط مقصود کائنات دا
مصطفیٰ ﷺ شیرِ خدا ( ع) حسنین ( ع) تے بی بی بتول ( ع)
(سردار خادم حسین مخفی)
روہی سے آئے ہوئے بزرگ شاعر چہرے پر نورانیت جھلک رہی تھی نعتیہ کلام بڑے جوش و جذبے کے ساتھ سنا رہے تھے محفل میں سب نے خوب داد دے رہے تھے ان کا ایک قطعہ ملاحظہ فرمائیں ۔
میں کتھاں میڈی قسمت دی جرات کتھاں
اے کہیئں دی دعا دا ہے نادر اثر
ساری دنیا کینوں عیب میڈے گنڑے
حاضری میڈی سہوہنڑے دے در تھی گئی
(نادر لاشاری)
مقبول ذکی مقبول نے جہاں نعتیہ کلام پیش کیا وہاں نماز کے حوالے سے ایک ڈوہرہ سنایا جس سے محفل میں حاضرین نے خوب سراہا اور حوصلہ افزائی کی وہی ڈوہڑہ ملاحظہ فرمائیں ۔
ہر وقت کھلائے رحمٰن دا ، در کوئی جہڑے وقت وی آوے
تکبیر آواز بلند کر کے وت حمد خدا سنواوے
سب کیتیاں کوں کر معاف ڈیندائے جو سر دل نال جھکا وے
مقبول رکوع تے سجدے وچ بیھٹا خالق نال الا وے
(مقبول ذکی مقبول)
وارث چھینہ نے نظامت کے دوران شاعر کو دعوتِ کلام دینے سے پہلے مختلف شعراء کا نعتیہ اشعار سناتے رہے ہیں وہاں اپنے قلم سے لکھا ہوا قطعہ جو حضرت محمد صلی اللّٰہ علیہ وآلہ وسلّم کے ہم شکل حضرت شہزادہ علی اکبر علیہ السّلام کی شانِ اطہر میں سنا کر اچھی خاصی داد وصول کی قطعہ ملاحظہ فرمائیں ۔
بہت پیارا تھا میرے حسین ( ع) کا اکبر (ع)
راج دلارا تھا میرے حسین (ع) کا اکبر (ع)
معصوم جوانی تھی ہم شکلِ پیغمبر ﷺ
آنکھ کا تارا تھا میرے حسین (ع) کا اکبر (ع)
(وارث چھینہ)
شہزاد ناصر نے اپنا کلام پیش کیا بزمِ اوجِ ادب کے بانی و چیئرمین مقبول ذکی مقبول نے مہمان شعراء اور مقامی شعرا کا شکریہ ادا کیا اور یقین دھانی کرائی کہ اِن شاء اللّٰہ آئندہ بھی ایسی روحانی محفلیں کا اہتمام بزمِ اوجِ ادب سجاتی رہے گی آخر میں بزرگ سرائیکی شاعر سردار خادم حسین مخفی نے دعا کرائی تمام مسلمانوں کی لے پاکستان کی ترقی و خوشحالی اور بزمِ اوجِ ادب کے لیے اس کے بعد سوہن حلوہ اور گرم گرم چائے پیش کی گئی ۔
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
