مسلم ہینڈز ماڈل سکول لالہ موسیٰ تقریب نتائج
لالا موسیٰ (پریس ریلیز) مسلم ہینڈز ماڈل سکول لالہ موسیٰ کیمپس کے سالانہ امتحانات کے نتائج کے موقع پر پوزیشن حاصل کرنے والے طلبہ و طالبات میں تقسیم انعامات کی ایک پروقار تقریب کا انعقاد کیا گیا۔
تقریب کے مہمان خصوصی فیصل جنجوعہ کووارڈینیٹر آل پاکستان پرائیویٹ سکولز اینڈ کالجز ایسوسی ایشن ضلع گجرات تھے۔
تقریب میں محترمہ عالیہ مبین اسسٹنٹ ایجوکیشن آفیسر نے خصوصی شرکت کی جبکہ سابق طلباء و طالبات سمیت دیگر اساتذہ کرام، سٹاف و عملہ، طلبہ و طالبات اور والدین نے کثیر تعداد موجود تھی
مہمان خصوصی فیصل جنجوعہ کا کہنا تھا کہ ذہین اور قدرتی صلاحیتوں سے مالا مال نئی نسل قومی امنگوں اور امیدوں کا مرکز و محور ہے اور وطن عزیز کی ترقی کے لئے بچوں کی سائنسی بنیادوں پر تعلیم و تحقیق نہایت اہم اور ناگزیر ہے کیونکہ دنیا میں انہی قوموں نے ترقی کی ہے جنہوں نے تعلیمی میدان میں نمایاں کارکردگی کامظاہرہ کیا اور اعلیٰ تعلیم ہی دنیا میں بقا اور عزت و عظمت کا واحد راستہ ہے۔
محترمہ عالیہ مبین ایجوکیشن آفیسر نے تعلیم کی اہمیت، والدین کے کردار، اور جدید تعلیمی ضروریات پر روشنی ڈالی۔ انہوں نے تعلیم کے فروغ کی ضرورت پر زور دیا اور اسکول کے اساتذہ و پرنسپل سائرہ مظفر کی بہترین تدریسی خدمات کو خوب سراہا اور اسکول کے ساتھ تعاون کا یقین دلایا۔
جبکہ محترمہ ایمان گولڈ میڈلسٹ سافٹویئر انجنیئر فارغ التحصیل اسکول نےتعلیمی وژن اور مستقبل کے منصوبوں پر بات کی۔ اور اپنے اساتذہ و پرنسپل محترمہ سائرہ مظفر کو خراج تحسین پیش کیا
جبکہ پرنسپل محترمہ سائرہ مظفر نےکہا کہ تعلیم کے فروغ کیلئے ہمہ وقت کوششوں کو وژن بنا کر اس شعبے کو اختیار کیا ہے کیونکہ ملک و قوم کی خدمت کا اس سے بڑھ کر کوئی اور طریقہ ممکن نہیں ہے اور اس کی وجہ یہ ہے کہ دیگر تمام شعبوں کے لئے اعلیٰ صلاحیتوں کے حامل افراد براہ راست تعلیم کے ذریعے ہی تیار کیے جاتے ہیں۔
پرنسپل سکول ھذا کا مزید کہنا تھا تعلیم یافتہ قوم ہی ترقی یافتہ ملک کی بنیاد ہے اور اپنی قوم کے ہر بچے کو تعلیم کے زیور سے آراستہ کرنے کا مشن قومی مشن ہے اور اس پر پورے جوش و جذبہ سے گامزن رہیں گے۔
تقریب کے مہمان خصوصی فیصل جنجوعہ نے اسکول انتظامیہ کی کاوشوں کو زبردست سراہا اور انہیں پروقار تقریب کے اہتمام پر خراج تحسین پیش کیا۔
اس موقع پر سکول ھذا پرنسپل سائرہ مظفر کی جانب سے مہمان خصوصی فیصل جنجوعہ اور محترمہ عالیہ مبین اسسٹنٹ ایجوکیشن آفیسر کو یادگاری شیلڈ بھی دی گئی۔
اختتام پر محترمہ سائرہ مظفر نے مہمانوں اور والدین کا شکریہ ادا کیا گیا، جبکہ شرکاء نے تقریب کو یادگار اور کامیاب قرار دیا۔
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
