حیاتی دا مقصد ہے سارا محمدؐ
میڈی زندگی دا سہارا محمدؐ
نبیؐ دا ذکر ہے حیاتی دا گاہنڑاں
کڈھیں نہ تھی سی قسم اے پنڑاں
دلاں کوں جگایا سنوارا محمدؐ
ہے روح وچ محمدؐ نظر وچ محمدؐ
میکوں آ کے ملسی قبر وچ محمدؐ
اتھاں رج کے ڈیکھاں میں پیارا محمدؐ
پہنچ کے مدینے پراہنڑاں میں تھیواں
اسے آس تے ڈینھاں راتی جیواں
میڈے ہجر دا ہے اتارا محمدؐ
اے صدیاں تاں چوڈاں گزروی جو گئیاں
بھانویں جتنیاں اتھاں نسلاں جو آئیاں
ایں بڈی امت کوں ہے تارا محمدؐ
محمدؐ دے باجھوں اے جیوان بے کار اے
نبیؐ نال میکوں ڈساں کیڈا پیار اے
ہے آل محمدؐ نکھارا محمدؐ
میڈے سنگتی ساتھی اے سارے دے سارے
میکوں ڈھیر جگ توں اے لگدن پیارے
ہے انہاں تے ساڈا گزرا محمدؐ
ایں جندڑی میڈی کوں زمانے ڈتے ڈکھ
عمل نیک ہوسن تاں ہوسی اگوں سکھ
ہے مقبول دل وچ پکارا محمدؐ
مقبول زکی مقبول
بھکر،پنجاب،پاکستان
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
