سید حبدار قائم کی ادبی خدمات
تحریر ۔۔ڈاکٹر شجاع اختر اعوان
کیمبل پور اٹک اس لحاظ سے بہت خوش نصیب ھے کہ یہاں کے ادیبوں نے ہر دور میں ہر طبقہ فکر کے اذہان کو فکری شعور دیا ادیب اور شاعر بڑی خوبصورتی سے اپنی تخلیقات پیش کرتے رہے کسی نے تاریخ کی گرد میں چھپے رازوں کو تحقیق کی صورت میں سامنے کیا تو کسی شاعر نے غزل اور نظم کو خوبصورت انداز دیا اسی طرح نثر کے میدان میں طبع آزمائی بھی ھوتی رہی ضلع کیمبل پور حال اٹک ہر دور میں فکروفن و ادب کا گہوارہ رہا نئی آنے والی نسل کو ادب سے روشناس کروانے اور ان کی ذہنی پرورش کے لیے سب تخلیق کاروں نے اپنے حصہ کا کام کیا یہ سلسلہ آج بھی جاری ھے ان ہی میں سے ایک بڑا نام معروف شاعر ادیب سید حبدار قائم کا بھی ھے جن کی سات کتابیں منصہ شہود پر آ چکی ہیں جن میں
١، نماز شب (نثر)
٢۔ حضرت رحمت اللہ شاہ رح بخاری المعروف چھانگلا ولی موج دریا کی سیرت (نثر)
٣۔ اکھیاں وچ زمانے (پنجابی نثر )
٤.مدح شاہِ زمن ( پہلا شعری نعتیہ مجموعہ)
٥. صبح نعت دوسرا نعتیہ مجموعہ
٦. انتقادات و تاثرات (نعتیہ مجموعوں پر تبصرے )
٧. ارتسام خیال ( مختلف کتب پر تبصرے)
شامل ہیں
شاہ صاحب ادبی رسالہ میرے لفظ کے مدیر بھی ہیں جو سہ ماہی مجلہ کے طور پر شائع ھوتا ھے بچوں کے لیے کہانیاں بھی لکھتے ہیں جو نہ صرف دلچسب بلکہ سبق آموز بھی ہوتی ہیں دلچسب پیرائے میں لکھتے ہیں اور لکھتے ہی چلے جاتے ہیں یوں کہنا کچھ غلط نہ ھو گا کہ شاہ صاحب کی سات کتابیں دھنک کے سات رنگ ہیں شاہ صاحب گویا سات سروں کے بادشاہ ہیں گزشتہ دنوں اپنی حالیہ شائع ھونے والی دو کتب( 1) ارتسام خیال جو مضامین کالم و تبصرہ جات پر مشتمل ھے (2) انتقادات و تاثرات جو شاہ صاحب کی نعتیہ تخلیقات پر تبصروں پر مشتمل کتاب ہیں نہایت محبت سے مجھے پیش کیے کتاب انتقادات و تاثرات کا انتساب شاہ صاحب نے ان شعراء و ادیبوں کے نام کیا ھے جو رسول پاکﷺ کی سیرت اطہر پر شاعری کرتے یا نثر لکھتے ہیں لگ بھگ تیس نعتیہ مجموعوں کو اس کتاب میں انہوں نے تبصرہ کی زینت بنایا ھے جس میں قصیدہ نور حصہ اول دوم مہکار مدینے کی ،خزینہ رحمت،صراط مودت کے پھول ،ورق ھواء ھے خوشبو خوشبو ،آپ بہت یاد آئے ،مقبول ذکی مقبول کی منتہائے فکر ،داود تابش کی شہد آگیں انعات ،نگار ضو تیرے قدموں کا دھوون ،مدحت سردار جنت ،تلاوت نعت ،عقیدت دے رنگ میں حمد ،عقیدت دے رنگ میں نعت اور عقیدت دے رنگ میں سلام و منقبت ،ہجر میں روتے ھوئے دو نین ،باعث نجات،جادہ نور ،ثنائے محمد میں نعت گوئی ،سائبانِ شاکر ،خوشبوئے سائبان ،آرزوئے سائبان اور عطا کا رخ پر خوبصورت انداز میں تبصرے لکھ کر اپنے جذبات اور آقا کریمﷺ کے ساتھ محبت کا اظہار کیا ھے شاہ صاحب کی نعت رسول ﷺ کے ساتھ وابستگی ہمہ وقتی ھے گزشتہ کئی سالوں سے وہ نعت لکھ رہے ہیں نہ صرف نعتیہ مجموعے شائع ھوئے بلکہ ان کی کتاب مدحِ شاہِ زمن پر ایم ایس لیول کا تھیسز بھی لکھا گیا ان کی گفتگو میں قلندرانہ انداز ھے جذب و کیفیت کی حالت میں نعت لکھتے اور اپنا کلام پڑھتے ہیں کہ سننے اور پڑھنے والے کے دل میں اتر جاتا ھے دعا ہے کہ نعت سے ان کی وابستگی یوں ہی قائم رہے اور سفر عشق و مستی جاری و ساری رہے شاہ صاحب کی دوسری کتاب جو میرے ہاتھ میں ھے وہ ارتسام خیال ھے جس میں مضامین کالم اور تبصرہ جات شامل ہیں یہ کتاب نعت مرکز انٹرنیشنل لاھور نے شائع کی ھے جو ادارہ معیاری حمد و نعت کے فروغ کی تحریک کا بیڑا اٹھائے ھوئے ھے اس کتاب میں سید حبدار قائم شاہ صاحب نے سعادت حسن آس کا آسمان، مودت اور آہ رسا ،گلاب اسم نبیﷺ کی خوشبو، علم توں قلم تک ،جانِ کرم ،زادِ شفاعت،ادھ راتا،لاجونتی،سخن یہ ھے،یادیں ،کاروان قلم کے روح رواں،حرف آشنا رہگزر، جمالیات ،بلبل رسول محمد عرفان ،درخشاں ستارہ شہزادہ افق التمیمی ،دستور اور نواب ناظم میو،اٹک کا ساغر صدیقی ،محبت بانٹتے جاؤ ،وہ در ختم نبوت کا ،وجود کیا حباب کا ،سیرت آگاہی بزم کھٹڑ پر نہایت جامع مضامین تبصرہ جات اور کالم لکھے ہیں اکثر تحریریں شاعری کی کتابوں ادبی رسائل شخصیات و شعراء پر ہیں ان میں سے ذیادہ تر مضامین ایسے ہیں جو مختلف اخبارات میں شاہ صاحب کی طرف سے شائع ھو چکے ہیں ان کو اس کتاب میں محفوظ کر دیا گیا ھے سید حبدار قائم ایک ایسے ادیب ہیں جو پیار محبت اور مل بیٹھنے کی روایات کی پرورش کرتے نظر آتے ہیں اپنی تخلیقات کو بہترین انداز میں پیش کرنے کا فن جانتے ہیں نئی نسل کی راہنمائی کرتے اور شعراء و ادیبوں کے لیے ان کی ادبی بیٹھک کیمبل پور اٹک کے ٹی ہاؤس کا درجہ رکھتی ھے ہماری دعا ھے کہ اللہ پاک شاہ صاحب کو صحت و سلامتی عطا فرمائے تاکہ پرورشِ لوح و قلم کا سلسلہ جاری و ساری رہے اور جو دل پہ اترتی ھے رقم کرتے رہیں
صحافی، کالم نگار، مصنف
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
