جان سنجان کتاب سجدہ
شاعرہ : ریحانہ بتول ، بھکر
اے شاعری عطائے خدا ذولجلال اے
حقیقت دیوچ یک کا لگ دا کمال اے
خدا دی عطا ہے جو ایجھاں سمندر
مودت ہے روح وچ قلم وچ جلال اے
غلامِ حسن ڈاڈے سئیں دے ہے نانویں
ڈِسے اِنتساب اے پیارا خیال اے
اتِھاں پیش لفظاں دے جا گے مقدر
کتاب ءِچ تاں سارا اے سوہنا جمال اے
اے پنج حمد یارھاں صفحاں تے لکھے ہِن
اوں بے مثال رب دی نہ کوئی مثال اے
اے ہِن ڈوجھے حصے دے ، وچ ڈاہ جو نعتاں
تے بے نقط نعت ہک جو فن دی سنبھال اے
تے میلاد وچ سوھنے سنگ جو سجے ہِن
محمد (صہ) علی ( ع) تے حسن (ع) بے مثال اے
ہے چوتھے حصے وِچ سلام ابنِ حیدر (ع)
سدا ہک بہار اے نہ ایکوں زوال اے
عقیدہ جو اللّٰہ بنا کے ڈسایائے
حصے منقبت وچ خلاصے دا حال اے
ہے کچھی دا مشہور جگ وچ مسدس
اے چھیویں حصے وچ چمک دا ہلال اے
تے دوہڑے وی سارے جو حاصل کتاب ہِن
تے ذکرِ مصائب وی ڈیندا ملال اے
قطعے ہِن سرائیکی ادب دے جو گاہنے
ہے بحراں دے وچ ذکرِ آحمد ( صہ) دی آل( ع) اے
دعا ہے ظہورِ امامِ زمانہ (ع)
تے اللّٰہ دے اگوں اے سوہنا سوال اے
ہے مجموعہ سارا حقیقت تے مبنی
جو قرآں دی روح ءِچ لکھا باکمال اے
ایکوں گھر دے اندر پڑھن ماواں بھیناں اے بارھاں مہینے تے ہر وقت نال اے
ادارہ اے اردو سخن توں ہے چھپی
مئی ڈو ہزار ستارھاں اے سال اے
ایندا ہدیہ ترئے سو تے پنجھاہ روپے ہے
اے ملدی بخاری دے سئیں بک سٹال اے
نِرالی کتاب اے ذکی دی اے سجدہ
بتول ایندا ونیا تعارف دا جال اے
***
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
