گورنمنٹ پوسٹ گریجویٹ ڈگری کالج اٹک نے صوبائی بیڈمنٹن چمپئن شپ جیت لی
اٹک(ہشام خان اعوان سے/نیوز ایڈیٹر)گورنمنٹ پوسٹ گریجویٹ ڈگری کالج اٹک نے صوبائی بیڈمنٹن چمپئن شپ جیت لی ہے،اٹک کالج کی ٹیم نے سیمی فائنل میں گوجرانوالہ اور فائنل میں لاہور ڈویژن کو ہرا کر ٹرافی اپنے نام کی ہے،تفصیلات کے مطابق گورنمنٹ پوسٹ گریجویٹ ڈگری کالج اٹک پنجاب کا معروف تاریخی ادارہ ہے جو تعلیم کے ساتھ ساتھ کھیلوں اور دیگر ہم نصابی سرگرمیوں میں بھی ہمیشہ ممتاز رہا ہے، تیسری ہائر ایجوکیشن ڈیپارٹمنٹ گیمز 2025ء کے فائنل راؤنڈز میں جمعرات کے روز راولپنڈی ڈویژن کی چمپئن ٹیم گورنمنٹ کالج اٹک نے ایک اور تاریخی فتح اپنے نام کرتے ہوئے صوبائی بیڈمنٹن چمپئن شپ کا فائنل جیت لیا ہے
اٹک کالج نے گورنمنٹ اسلامیہ کالج سول لائنز میں ہونے والے فائنل میں لاہور ڈویژن کی ٹیم کو ان کے ہوم کورٹ میں ہرایا ہے، جبکہ سیمی فائنل میں اس نے گوجرانوالہ ڈویژن کی ٹیم کو شکست سے دوچار کیا ہے، اس شاندار کامیابی پر ڈائریکٹر کالجز راولپنڈی ڈویژن اور ڈپٹی ڈائریکٹر کالجز اٹک پروفیسر ارشد خان سمیت ڈویژن بھر کے تعلیمی اور سماجی حلقوں نے گورنمنٹ پوسٹ گریجویٹ ڈگری کالج اٹک کے پرنسپل ڈاکٹر سید محمد عمران کو مبارکباد پیش کی ہے جو کہ کالج کی ترقی اور نیک نامی کیلئے مسلسل کوشاں ہیں،پرنسپل گورنمنٹ پوسٹ گریجویٹ ڈگری کالج اٹک نے اس شاندار کارکردگی پر اپنے کھلاڑیوں رامش اور افتخار احمد اور ان کے کوچز پروفیسر اعتزاز عزیز اور پروفیسر آصف حیات کی شاندار الفاظ میں تعریف کی ہے اور انتھک محنت اور عزم کی بدولت کالج کا نام روشن کرنے پر انہیں دل کی اتھاہ گہرائیوں سے خوب سراہا ہے۔
چیئرمین آل پاکستان پرنٹ اینڈ الیکٹرانک اینڈ سوشل میڈیا ضلع اٹک
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
