کیمبل پوری نظم
شاعر :
سیدزادہ سخاوت بخاری
مقیم : مسقط , سلطنت عمان
ایتوار 8 نومبر 2020
ہِک سنگی نے ناں :
توں بی آویں میں بی آساں
رَل مِل گپّاں شپّاں لاساں
چِلماں وِچ تَماکُو بھر کے
لمے لمے سُوٹے لاساں
توں بی آویں میں بی آساں
رَل مِل گپّاں شپّاں لاساں
موٹا گوش تے ٹِھپر پَکاساں
روٹی اُتے مکھنڑ لاساں
زِمّی اُتے پُھوھڑی ڈاہ کے
توں تے میں وت روٹی کھاساں
توں بی آویں میں بی آساں
رَل مِل گپّاں شپّاں لاساں
بیٹھک میں سجا کے رکھساں
نَوِیاں مَنجِیاں ڈاہ کے رکھساں
سنگی ساتھی سارے آسُن
ڈھولک وَجسی لُڈیاں پاساں
توں بی آویں میں بی آساں
رَل مِل گپّاں شپّاں لاساں
سِیہہ سیالا لَمِیاں راتاں
مزہ کرسُن گلّاں باتاں
وِسرِیاں گلّاں وِسرے ِقصّے
توں ُسنڑاویں میں ُسنڑاساں
توں بی آویں میں بی آساں
رَل مِل گپّاں شپّاں لاساں
فزری اُٹھ کے چاہ پکاساں
ھٹی اُتوں رس منگاساں
نِکی نِکی سُرکی بھَر کے
توں تے میں وت چسکے لاساں
توں بی آویں میں بی آساں
رَل مِل گپّاں شپّاں لاساں
توں آسیں تے میں بی آساں
پَکّی گل اے چکر لاساں
جینے رئے تے ملنے رھساں
مر مُک گئے تے مُکسُن آساں
توں بی آویں میں بی آساں
رَل مِل گپّاں شپّاں لاساں
شاعر،ادیب،مقرر شعلہ بیاں،سماجی کارکن اور دوستوں کا دوست
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
