مختصر تعارف مقبول ذکی مقبول
تحریر : ریحانہ بتول ، بھکر
جنرل سیکرٹری بزمِ اوجِ ادب ، منکیرہ ( بھکر)
نام : مقبول حسین
والدیت : اقبال حسین ( 1956۔ 18 دسمبر 2005ء)
مقبول حسین خاندانی نام ہے جو کہ ان کے دادا غلام حسن نے رکھا تھا ۔ جوکہ دین داری و ایمان داری اور صوم و صلوات کی پابندی کی وجہ سے اپنے قبیلہ اور علاقے میں خاص پہچان رکھتے تھے ۔ چھ فٹ قد گندمی رنگت خوبصورت خدو خال سے ربِ اکبر نے نوازا تھا ۔ مقبول ذکی مقبول کی رنگت اور چہرہ اپنے والد اقبال حسین کے چہرہ سے مناسبت رکھتا ہے ۔ قد مناسب ہے اور دینداری و ایمانداری بالکل اپنے دادا غلام حسن کی طرح دیندار و ایمان دار ہیں شریف انسان ہیں نماز بھی اول وقت میں ادا کرتے ہیں ۔
قلمی نام : مقبول ذکی مقبول
تاریخ و مقامِ پیدائش : یکم جنوری 1977ء کینال کالونی لیہ شہر
رہائش اور آبائی شہر تحصیل منکیرہ ضلع بھکر
پیشہ : ملازمت
باقاعدہ آغاز شاعری : 2005ء
استاد شاعری نذیر احمد نذیر ڈھالہ خیلوی ، بھکر
آغاز نثر : 2014ء
پہلی تحریر : شائع ہوئی عالمی رنگِ ادب ، کراچی کتابی سلسلہ شمارہ نمبر 35 جون تا 30 ستمبر 2014ء صفحہ نمبر 274 تا 275 تک
شاعری اور نثر مقامی ، ملکی اور غیر ملکی رسائل و جرائد اور اخبارات میں شائع ہوتی رہیں ہیں اور بعد میں کتابی شکل میں آئی ہیں
تصانیف : چار شاعری
اور
چار نثر کی ہیں ۔
نام درجِ ذیل ہیں ٫٫ سجدہ ،، (سرائیکی شاعری)21 مئی 2017ء
٫٫ منتہائے فکر ،، (سلام) 7 اگست 2020ء
٫٫ یہ میرا بھکر ،،(فردیات) فروری 2024ء
٫٫ اندازِ بیاں دیکھ ،، (اُردو ، پنجابی اور سرائیکی شاعری) اگست 2024ء
٫٫ سنہرے لوگ ،، (نام ور ادبی شخصیات کے انٹرویوز) جون 2023ء
٫٫ روشن چہرے ،،( معروف ادب شخصیات سے مصاحبے) جولائی 2023ء
٫٫ اعترافِ فن ،، ( عاصم بخاری تحقیق و تنقید) یکم جنوری 2024ء
٫٫ شذراتِ مقبول ،، (مضامین و تبصرے) جنوری 2024ء
٫٫ یہ میرا بھکر ،، فردیات کا مجموعہ جو کہ ضلع بھکر کے بارے میں ہے یہ اعزاز مقبول ذکی مقبول کو ہی حاصل ہوا ہے ۔ چند شعراء کے مجموعہ کلام سے ایک دو اشعار تو مقامیت کے حوالے سے مل جاتے ہیں لیکن مکمل مجموعہ کا شرف مقبول ذکی کو ہی حاصل ہوا اور اسی طرح مصاحبہ نگاری میں بھی یہ اعزاز انہی کو جاتا ہے کہ اِن کی دو کتابیں شائع ہوچکی ہیں
مختلف ادبی تنظیموں سے گولڈ میڈلز ، شیلڈز ، اسناد ، ایوارڈز ، کیش اور دیگر انعامات حاصل کر چکے ہیں ۔
ادبی تنظیم بزمِ اوجِ ادب (منکیرہ ، بھکر ، پنجاب پاکستان) کے بانی و چیئرمین ہیں ۔
ڈاکٹر ہارون الرشید تبسم کی رائے
سوشل میڈیا پر مقبول ذکی کے جذبات و احساسات میری نظر سے گزرتے رہتے ہیں ۔ آپ کے حق میں دعاگو بھی ہوں کہ اللّٰہ تعالیٰ ان کی اس مثبت سوچ ، فکر اور رویے میں مزید اضافہ فرمائے ۔ ذکی کا خلوص عجز و انکساری اور ملنساری بڑی متاثر کن ہے ۔ اس دور میں ایسے لوگ کم یاب ہیں ۔ ایسے لوگوں کا وجود نعمت سے کم نہیں ۔
مقبول ذکی مقبول کے اہلِ خانہ ، بہن بھائی ، پڑوسی ، اور دوست کی رائے وہ کیا کہتے ہیں ۔
بیٹی اوج زہرا کی رائے
میرے ابو جان نیک اور اچھے اخلاق و کردار کے مالک ہیں ۔ نماز اول وقت میں پڑھتے ہیں ۔ ہمیں بھی کہتے ہیں نماز اول وقت میں پڑھا کریں ۔
بیٹے گلفام حسین کی رائے ۔
میرے ابو جان نیک اور پریزگار انسان ہیں ۔ نہایت رحم دل اور اعلیٰ اخلاق کے مالک ہیں ۔
میری بہن اور میری شرارتوں کو بھی برداشت کرتے ہیں ۔
بھائی تنویر اقبال کی رائے ۔
اعلیٰ اخلاق اور حسنِ سلوک انبیاء کرام علیہ السّلام اور معصومین علیہ السّلام کا شیوہ ہے ۔ الحمدللہ بھائی مقبول ذکی مقبول بھی اسی سنت پر عمل پیرا ہیں ۔ وہ ایک بااخلاق باکردار ہونے کے ساتھ ساتھ ایک نرم مزاج اور نرم طبیعت کے مالک ہیں ۔
بیوی بچوں کے ساتھ ساتھ دوست احباب کے ساتھ ان کے تعلقات نہ صرف اعلیٰ بلکہ یوں کہنا کہ کسی ہرے بھرے سر شاداب پہاڑوں کی طرح بلند وبالا ہیں ۔ ان کا ظاہر و باطن ایک جیسا ہے ۔
بہن شبانہ اقبال کی رائے ۔
میرے بھائی مقبول ذکی مقبول ایک عظیم شاعر و ادیب ہیں ۔ ان کا اخلاق بہت اچھا ہے اور لین دین میں خیانت نہیں کرتے ۔ میری نظر میں ایک عظیم شخصیت کے مالک ہیں
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
