اٹک پولیس نے تازہ دم دستے میلہ بیساکھی سیکیورٹی کیلئے تعینات کر دیئے
اٹک(ہشام خان اعوان سے/نیوز ایڈیٹر) اٹک پولیس نے ڈسٹرکٹ پولیس آفیسر اٹک ڈاکٹر سردار غیاث گل خا ن کی سربراہی میں سکھ یاتریوں کی بیساکھی میلہ 2025ء میں شرکت کیلئے گوردوارہ سری پنجہ صاحب تحصیل حسن ابدال آمد کے سلسلے میں سیکیورٹی پلان جاری کر دیا ہے،جس میں اٹک پولیس کی جانب سے سیکیورٹی کے فول پروف انتظامات کیے گئے ہیں،اس سلسلے میں 7000 کے قریب بیرون اور اندرون ملک سے سکھ یاتری اپنی مذہبی رسومات کی ادائیگی کیلئے بسلسلہ بیساکھی میلہ گوردوارہ سری پنجہ صاحب تحصیل حسن ابدال آ رہے ہیں، تمام سکھ یاتریوں کو فول پروف سیکیورٹی فراہم کرنے کیلئے اٹک پولیس نے تازہ دم دستے مختلف مقامات پر سیکیورٹی کیلئے تعینات کر دیئے ہیں۔
ڈسٹرکٹ پولیس آفیسر اٹک ڈاکٹر سردار غیاث گل خا ن کی سربراہی میں 1500 سے زائد پولیس افسران و جوان سیکیورٹی ڈیوٹی کیلئے تعینات کیے گئے ہیں،07 ایس ڈی پی اوز(ڈی ایس پیز)، 13انسپکٹرز(ایس ایچ اوز)، 139 اپر سپارڈینیٹز، 82 ہیڈ کانسٹیبلز، 567 کانسٹیبلز، 35 لیڈیز کانسٹیبلزکے ساتھ ساتھ ایلیٹ کمانڈوز کے 26 سیکشن ڈیوٹی کے فرائض سر انجام دیں گے،اس موقع پر ڈسٹرکٹ پولیس آفیسر اٹک ڈاکٹر سردار غیاث گل خا ن نے کہا کہ مذہبی مقامات اور ان کے پیروکاروں کی حفاظت ہماری اولین ترجیح ہے اور اٹک پولیس کسی بھی شر پسند عناصر کو شر انگیزی پھیلانے کی اجازت نہیں دے گی، تمام سکھ یاتری بلا خوف و خطر آزادی سے اپنی عبادت کریں۔
چیئرمین آل پاکستان پرنٹ اینڈ الیکٹرانک اینڈ سوشل میڈیا ضلع اٹک
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
