کامسیٹس اٹک کیمپس میں کل پاکستان لسانی مذاکرہ
اٹک (ہشام خان اعوان سے /نیوز ایڈیٹر)کامسیٹس یونیورسٹی آف انفارمیشن ٹیکنالوجی اسلام آباد اٹک کیمپس میں کل پاکستان لسانی مذاکرہ بہ عنوان”نوک جھوک“ منعقد ہوا .اس رنگا رنگ تقریب کے مہمان خصوصی اردو زبان کے معروف شاعر، ادیب،محقق،شاعروں کی پہلی ضلعی رجسٹرڈ تنظیم اکادمی ادبیات کے ضلعی جنرل سیکرٹری اور ضلع اٹک کی تاریخی کتاب”جب کیمبل پور جل رہا تھا“ کے مصنف طاہر اسیر تھے،تفصیلات کے مطابق کامسیٹس یونیورسٹی آف انفارمیشن ٹیکنالوجی اسلام آباد اٹک کیمپس میں کل پاکستان مذاکرہ ”نوک جھوک“ کے عنوان سے انعقاد پذیر ہوا ۔ جس میں اردو اور انگریزی زبان میں مختلف موضوعات پر نوجوان طلباء وطالبات نے تقاریر کیں۔ مجلس ادب و مباحثہ کے صدر حماد علی حیدر اور خاتون ایڈوائیزر محترمہ تسنیم فضا ء کی انتظامی صلاحیتوں نے اس مقابلہ جاتی پروگرام کو چار چاند لگا دیئے۔ تقریب کے مہمان خصوصی معروف شاعر و ادیب طاہر اسیر نے مقابلے میں شرکت کرنے والے طلباء و طالبات میں انعامات تقسیم کیے .
اس موقع پر اظہارخیال کرتے ہوئے مہمان خصوصی نے کہا کہ ایسے ایونٹس زندگی کیلئے انتہائی ضروری اور اہمیت کے حامل ہیں، شعری یا تقریری کے کسی بھی پروگراموں میں شاعر یا مقرر ہارتا یا جیتتا نہیں ہے بلکہ ہار یا جیت میدان جنگ میں ہوتی ہے۔ بلکہ یہاں شعری اور تقریری مقابلوں میں تو زندگی کی خوبصورتی بیان ہوا کرتی ہے، انہوں نے کیمبل پور شہر کی قدیم تاریخ بیان کرتے ہوئے کہا کہ یہ شہر پورے پنجاب میں سب سے زیادہ باوقار، خوبصورت اور اپنے کلچر کا نمائندہ شہر ہے، اس لیے ہم سب نے مل کر اس کا نام روشن کرنا ہے،تقریب کے آخر میں مہمان خصوصی طاہر اسیر نے کامسیٹس یونیورسٹی کے ہیڈ آف ڈیپارٹمنٹ پروفیسر ڈاکٹر فیصل نواز میر کا دل کی اتھاہ گہرائیوں سے شکریہ ادا کیا اور حماد علی حیدر کے ساتھ ساتھ خاتون ایڈوائیزر تسنیم فضا کی صلاحیتوں کو سراہتے ہوئے انھیں ہدیہ تبریک پیش کیا ۔
چیئرمین آل پاکستان پرنٹ اینڈ الیکٹرانک اینڈ سوشل میڈیا ضلع اٹک
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
