علماء و مشائخ کی فلسطینی سفیر سے ملاقات
اسلام آباد(ڈاکٹر شجاع اختر اعوان) معاون خصوصی وزیر اعظم پاکستان و مرکزی سیکرٹری جنرل جمعیت علمائے پاکستان صاحبزادہ شاہ اویس نورانی صدیقی کی قیادت میں علامہ مفتی ابو طیب رفاقت علی حقانی، ڈاکٹر جاوید اختر نورانی صوبائی جنرل سیکرٹری، حاجی فیاض خان صدر جمعیت علمائے پاکستان کے پی کے وجملہ15 علمائے کرام ومشائخ عظام کا وفد ترکی، لیبیا، سعودی عرب، قطر اور فلسطین کے سفیر سے ملاقات کی۔ عالم اسلام اور باہم ملکی روابط پر تبادلہ خیال کیا گیا۔رجب طیب اردگان کی خدمات کو سراہا گیا۔
فلسطین کے مسلمانوں کی آزادی اور قبلہ اول کی آزادی کے لیے علامہ نور احمد سیال صدر جمعیت علمائے پاکستان صوبہ پنجاب نے دعا کی ۔علامہ مفتی ابو طیب رفاقت علی حقانی صدر جمعیت علمائے پاکستان ضلع اٹک نے لیبیا کے سفیر سے ملاقات کے دوران کہا کہ امام شاہ احمد نورانی صدیقی کے لیبیا کے صدر کرنل قذافی سے قریبی تعلقات تھے وہ امام نورانی سے دل وجان سے احترام کرتے تھے ۔ اس وقت امت مسلمہ کی رہنمائی کے لیے ترکی کے صدر اہم کردار ادا کر سکتے ہیں۔اس وقت 57 اسلامی ممالک عالم کفر کے سامنے سیسہ پلائی دیوار بن جائیں تو مسلمانوں کے وقار میں اضافہ ہو گا
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
