کتاب کا تعارف ( یہ میرا بھکر)
تحریر : ریحانہ بتول ، بھکر
کتاب کا نام : یہ میرا بھکر ( فردیات)
شاعر : مقبول ذکی مقبول
نظر ثانی/ مشاورت ریحانہ بتول
پبلشرز : القلم رائٹرز فورم پاکستان ، لاہور
اشاعت : فروری 2024ء
صفحات : 128
قمیت : 800
انتساب
بیٹے گلفام حسین کے نام!
کتاب کا آغاز فرد حمد ، فرد نعت اور فرد سلام سے ہوتا ہے ۔ اس مجموعہ میں صنفِ سخن فقط فردیات شامل ہیں جو ضلع بھکر کی تہذیب وثقافت صحرائی محرومیاں اور مشہور سوغات کو فرد کی صورت میں پیش کیا گیا ہے یعنی ہر ایک شعر بھکر کی نمائندگی کررہا ہے اس نوعیت کی تصنیف بھکر میں پہلی بار منظرِ عام پر آئی ہے یہ شرف مقبول ذکی مقبول کے حصے میں آیا ہے خوب صورت دیدہ زیب ٹائٹل چار منظر پیش کر رہا ہے صحرا میں چنے کی فصل و جنگلی جھاڑ بھکر کا ریلوے اسٹیشن منکیرہ کا قلعہ اور صحرا و ریت کے ٹیلے ، تہذیب و ثقافت کی مکمل عکاسی ۔
کتاب میں معروف شعراء و ادباء کی رائے بھی شامل ہے ۔ جن میں ڈاکٹر سید قاسم جلال ( بہاولپور) پروفیسر ڈاکٹر مرید عباس عارف ( راجن پور) ریاض ندیم نیازی (سبی) کی نثر کے ساتھ ساتھ منظوم بھی شامل کیا گیا ہے ۔ ڈاکٹر محمد صغیر خان (راولاکوٹ آزاد کشمیر) پروفیسر اسد گوندل (منکیرہ) فرنٹ فلیپ حسن عباسی ( مدیر ماہنامہ ارژنگ لاہور) بیک فلیپ جہاں آرا تبسم ( کوئٹہ)اور بیک ٹائٹل پروفیسر ڈاکٹر سعید عاصم ( گورنمنٹ گریجویٹ کالج بھکر) نے لکھا ہے ۔
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
