میری نظر میں ( دامنِ دل)
تحریر : مقبول ذکی مقبول ، بھکر پنجاب پاکستان
محمد اقبال بالم کی شعریات میں ایک رومانوی تموج کار فرما ہے سماجی ناہمواریوں کی بازگشت بھی سنائی دیتی ہے ۔ عمرانی ادراکات وفور سے پائے جاتے ہیں ۔ ان کے صحرائے بیان میں عصری رویئے بکثرت ملتے ہیں ۔ انسان دوستی کے فزوں تر شواہد ہیں ۔ جو قاری کیلئے آغوش کشا نظر آتے ہیں ۔ جس سے ان کے ترقی پسند اور عوامی شاعر ہونے کی دلیل ملتی ہے ۔ ان کے سخن میں اہلِ بیت علیہ السّلام کی محبت کے حوالے فرط تسلسل سے ملتے ہیں ۔ جو ان کے افکار کے تقدس کا مظہر ہیں ۔ ان کے کلام کا تمثیلاتی انداز ان کی شاعرانہ مقبولیت و پذیرائی میں اہم کردار ادا کر رہا ہے ۔
ان کے ہاں جہاں احساس زیاں کار گر نظر آتا ہے وہاں رجائی امکانات کی چکا چوند بھی پائی جاتی ہے ۔ اگرچہ ان کی شاعری میں روائیت کی بھرپور پاسداری ملتی ہے ۔ ان کے پیرائیہ شعر میں جدید امکانات کی نمو بھی پائی جاتی ہے ۔ مجھے اُمید واثق ہے کہ ان کا یہ مجموعہ کلام ٫٫ دامنِ دل ،، ان کے شعری ارتقاء میں سنگِ میل ثابت ہوگا ۔ مزید ریاضت فکر و فن ان کی شاعرانہ بالیدگی میں ممدود معاون ثابت ہو گی خداوند کریم محمد اقبال بالم کو فن کے آکاش تک پہنچنے کی توفیق عطا فرمائے ۔ آمین
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
