2024:اردو اور پاکستانی زبانوں میں لسانیاتی سافٹویر سازی

ڈاکٹر رحمت عزیز خان چترالی*

دسمبر 2024 تک میں نے پاکستان کی 38 مادری زبانوں کے لیے ہفت پلیٹ فارمی کلیدی تختیوں کے سافٹویر بناکر ایک نیا ریکارڈ قائم کیا ہے ہر زبان کے لیے سات ٹیکسٹ ایڈیٹرز کل سافٹویر اور کلیدی تختیوں کی تعداد 266 ہے اور آج 31 دسمبر 2024 تک کسی نے بھی اتنی زیادہ تعداد میں لسانیاتی سافٹویر ڈولپ نہیں کیے ہیں۔ میں نے پہلی بار اردو سمیت پاکستان کی 40 سے زائد مادری  زبانوں کے لیے کلیدی تختیوں (کی بورڈز) کے سافٹ ویئرز تیار کیے ہیں جو کہ سات  مختلف پلیٹ فارمز پر استعمال کیے جا سکتے ہیں، جن میں ونڈوز، میک او ایس، آئی فون، آئی پیڈ، لینکس، ڈیسک ٹاپ  اور موبائل سافٹویر  شامل ہیں۔ ہر زبان کی  کلیدی تختی کے اسپیس بار میں زبان کے سافٹویر اور مصنف کا نام لکھا ہوا ہے اور ساتھ لنک بھی دیا گیا ہے تاکہ صارفین یہ سافٹویر مفت ڈاونلوڈ کرسکیں۔

اس کالم میں  اردو لسانیاتی سافٹ ویئرز کے حوالے سے ان کے خصوصی کردار پر روشنی ڈالی جائے گی۔ میں نے اپنے لسانیاتی  سافٹویر کے زریعے  نہ صرف اردو بلکہ پاکستان کی دیگر زبانوں کے لیے بھی جدید ٹیکنالوجی کی بنیاد پر حل فراہم کیے ہیں۔ میرے  تیار کردہ سافٹ ویئرز اور کلیدی تختیوں نے اردو اور دیگر زبانوں کے فروغ میں اہم کردار ادا کیا ہے۔

سب سے پہلے میں نے قومی زبان اردو کے لیے "آراے چترالی اردو سافٹویر” تیار کیا  جو عربی اسکرپٹ میں اردو لکھنے کے لیے استعمال ہوتا ہے۔ یہ کی بورڈ اردو زبان کی ترویج اور ڈیجیٹل دنیا میں اس کے استعمال کو آسان بنانے کے لیے ایک اہم سنگ میل ثابت ہوا ہے جسے میں نے اردو صارفین کے لیے مفت  پیش کیا ہے۔

میں نے صرف اردو تک محدود رہنے کے بجائے پاکستان کی دیگر زبانوں جیسے پشتو، سندھی، سرائیکی، ہندکو، کھوار، بلتی، بروشسکی، شینا، وخی، کالاشا اور دیگر پاکستانی زبانوں کے لیے بھی کلیدی تختیوں کے سافٹ ویئرز تیار کیے ہیں۔ میرے تیار کردہ کی بورڈز میں”آراے چترالی کھوار سافٹویر” خاص طور پر قابل ذکر ہے جو کھوار زبان کے لیے پہلا معیاری کی بورڈ ہے۔

2024 میں انجام دیئے گئے میری لسانیاتی  خدمات کا ایک اہم پہلو پاکستان کی مقامی زبانوں کا تحفظ اور فروغ ہے۔ میرے  تیار کردہ سافٹ ویئرز نہ صرف ان زبانوں کو ڈیجیٹل دنیا میں زندہ رکھ رہے ہیں بلکہ نئی نسل کو اپنی زبانوں سے جوڑنے کا ذریعہ بھی بن رہے ہیں۔

میں نے اردو اور دیگر زبانوں کے لیے جدید سافٹ ویئرز تیار کیے ہیں جو یونی کوڈ کی بنیاد پر کام کرتے ہیں اور تمام پلیٹ فارمز پر دستیاب ہیں۔

میرے سافٹ ویئرز پاکستان کی مختلف زبانوں کے لیے یکساں طور پر کارآمد ہیں۔

میں نے اپنی تحقیق کو عملی شکل میں ڈھال کر زبانوں کے فروغ میں نمایاں کردار ادا کیا ہے۔

میرا لسانیاتی سافٹویر سازی  کا کام اردو لسانیات اور پاکستان کی دیگر زبانوں کے فروغ میں ایک منفرد اور قابل تقلید مثال ہے۔ میری تیار کردہ کلیدی تختیاں اور سافٹ ویئرز نے نہ صرف اردو بلکہ پاکستان کی دیگر زبانوں کو بھی ڈیجیٹل دنیا میں مقام دلانے میں اہم کردار ادا کیا ہے۔ میری یہ خدمت زبانوں کے تحفظ اور ترقی کے لیے ایک سنگ میل ثابت ہوگا ان شاء اللہ۔ میرے  تیار کردہ  لسانیاتی سافٹویر مندرجہ ذیل پلیٹ فارمز پر استعمال کیے جاسکتے ہیں۔

سافٹویر مفت ڈاونلوڈ کیجیے لنک یہ ہے
https://keyman.com/keyboards?q=rachitrali

_{Title Image by Gerd Altmann from Pixabay}

رحمت عزیز خان چترالی

رحمت عزیز خان چترالی کا تعلق چترال خیبرپختونخوا سے ہے، اردو، کھوار اور انگریزی میں لکھتے ہیں۔ آپ کا اردو ناول ”کافرستان”، اردو سفرنامہ ”ہندوکش سے ہمالیہ تک”، افسانہ ”تلاش” خودنوشت سوانح عمری ”چترال کہانی”، پھوپھوکان اقبال (بچوں کا اقبال) اور فکر اقبال (کھوار) شمالی پاکستان کے اردو منظر نامے میں بڑی اہمیت رکھتے ہیں، کھوار ویکیپیڈیا کے بانی اور منتظم ہیں، آپ پاکستانی اخبارارت، رسائل و جرائد میں حالات حاضرہ، ادب، ثقافت، اقبالیات، قانون، جرائم، انسانی حقوق، نقد و تبصرہ اور بچوں کے ادب پر پر تواتر سے لکھ رہے ہیں، آپ کی شاندار خدمات کے اعتراف میں آپ کو بے شمار ملکی و بین الاقوامی اعزازات، طلائی تمغوں اور اسناد سے نوازا جا چکا ہے۔کھوار زبان سمیت پاکستان کی چالیس سے زائد زبانوں کے لیے ہفت پلیٹ فارمی کلیدی تختیوں کا کیبورڈ سافٹویئر بنا کر عالمی ریکارڈ قائم کرکے پاکستان کا نام عالمی سطح پر روشن کرنے والے پہلے پاکستانی ہیں۔ آپ کی کھوار زبان میں شاعری کا اردو، انگریزی اور گوجری زبان میں تراجم کیے گئے ہیں ۔